Home/SOCIETE, TOMOND/SA A, SE YON BON NOUVÈL POU TOMOND

SA A, SE YON BON NOUVÈL POU TOMOND

Nan yon mesaj li voye ban nou maten Mèkredi premye Mas 2017 lan, Depite komin Tomond lan, Enel APPOLON, enfòme nou gen yon komite ki rele KORET ki se Komite pou Rekonstriksyon Legliz Tomond lan k ap travay depi kèk tan epi chèche lajan pou rekonstwi batiman ki loje chapèl Tomond lan. Depite Enel ki fè pati komite sila a fè konnen l ap fè tout sa  l kapab pou Tomond rive gen yon lòt legliz avan manda l la fini.

Pi lwen, nan mesaj li a, li enfòme nou an patikilye epi popilasyon an an jeneral, KORET ap prezante pwojè a bay tout kominote a 19 mas k ap vini la a nan okazyon fèt Sen Jozèf ki se fèt patwonal vil la. Nou men m nan VEDETH, nou salye demach sa a, e nou felisite Enel Appolon pou volonte ak enterè li manifeste pou legliz la rekonstwi. Nou swete sèlman demach la abouti.

Wendy Phele

 

LAISSEZ UN COMMENTAIRE
By | 2017-08-23T14:21:42+00:00 01/03/2017|SOCIETE, TOMOND|

About the Author:

Leave a Reply